თბილისის საბავშვო ბაღებში რეგისტრირებული აღსაზრდელებისთვის პროდუქტებს ისევ დაარიგებენ. მერიის ინფორმაციით, ეს გადაწყვეტილება სააღმზრდელო პროცესის 4 ოქტომბრამდე გადადების გამო მიიღეს

მათივე თქმით, პროდუქტების გაცემისას საბავშვო ბაღებში დაცული იქნება კორონავირუსის საწინააღმდეგო რეგულაციები. რაც შეეხება პროდუქტს, ჩამონათვალი ასეთია:

  • შაქარი — 1კგ;
  • ფქვილი — 1კგ;
  • შვრია — 1კგ;
  • მაკარონი — 1კგ;
  • ხილფაფა — 1 ქილა;
  • ზეთი — 1ლ;
  • კვერცხი — 6ც;
  • ჩაი — 1 კოლოფი;
  • ყველი — 0,5 კგ;
  • რძე — 2 ლ.

მერიის ინფორმაციით, თბილისში 188 საბავშვო ბაგა-ბაღია რეგისტრირებული, სადაც 61 000-მდე აღსაზრდელი ირიცხება. მათივე განცხადებით, პროდუქტების დარიგება 15 სექტემბრიდან დაიწყება.