პარტია საქართველოსთვის თავმჯდომარე, გიორგი გახარიას თქმით, პრემიერმინისტრობისას მუშაობდა იმაზე, რომ 2024 წელს საქართველოს შესძლებოდა ევროკავშირის წევრობაზე განაცხადის შეტანა. "დღეს წარმოგიდგენიათ საერთოდ რეალურობა ამ განცხადების?" — იკითხა მან და მიანიშნა იმაზე, რომ თანამდებობიდან მისი გადადგომის შემდეგ ამას ალბათობა მნიშვნელოვნად შემცირდა.

"მე როდესაც ბოლოს — არ მახსოვს, ალბათ, დაახლოებით იქნებოდა დეკემბერი — პრემიერმინისტრად წარმადგინეს პარლამენტში, მაშინ მე ჩემს გუნდთან ერთად, მთავრობასთან ერთად, გავაკეთე ოფიციალური განცხადება, რომ საქართველოს მთავრობის ძირითადი მიზანი იქნება 2024 წელს ევროკავშირის წევრობაზე ამბიციური განაცხადის გაკეთება და ჩვენ აი ამ, ამ, ამ რეფორმებით მივალთ ამ მიზნამდე. რამდენი თვე გავიდა [ჩემი გადადგომიდან]?! ექვსი თვე. დღეს წარმოგიდგენიათ საერთოდ რეალურობა ამ განცხადების?", — ამბობს გახარია TV პირველის ეთერში.

პრემიერმინისტრის თანამდებობიდან გიორგი გახარია 18 თებერვალს გადადგა. რამდენიმე თვეში ახალი პოლიტიკური პარტია დააფუძნა და ახლა კენჭს თბილისის მერის თანამდებობაზე იყრის.

გაიგე მეტი: