გუშინ, პირველ სეტემბერს, აჭარაში კორონავირუსით 20 წლის ქალი გარდაიცვალა. აჭარის ჯანდაცვის სამინისტროს განცხადებით, ის საკუთარი ბინიდან სასწრაფო დახმარების ბრიგადამ 31 აგვისტოს კლინიკა მედცენტრში გადაიყვანა, სადაც რეანიმაციაში მკურნალობდა. მათივე თქმით, პაციენტი მართვით სუნთქვაზე იყო.

"დიაგნოზი: ახალი კორონავირუსით გამოწვეული ავადმყოფობა, სუნთქვის მწვავე უკმარისობა. პაციენტი მოთავსდა რეანიმაციულ განყოფილებაში, უტარდებოდა პროტოკოლით გათვალისწინებული მკურნალობა. ანამნეზში აღენიშნებოდა: ჯანრთელობის სხვა პრობლემა. მიუხედავად ჩატარებული ღონისძიებებისა, მდგომარეობა პროგრესიულად მძიმდებოდა, — ვკითხულობთ განცხადებაში.

2 სექტემბრის მონაცემებით, საქართველოში კორონავირუსის 3 212 ახალი შემთხვევა დადასტურდა, გამოჯანმრთელდა 5 017, ხოლო გარდაიცვალა — 81ადამიანი. მხოლოდ აგვისტოში კორონავირუსი საქართველოში 130 377 ადამიანს დაუდასტურდა, ხოლო გარდაიცვალა 1 588 ადამიანი.

ქვეყანაში Covid-19-ის პანდემიის გავრცელებიდან დღემდე დადასტურებული შემთხვევების საერთო რაოდენობა შეადგენს 502 534-ს, მათგან გამოჯანმრთელდა — 5 017, ხოლო ვირუსს ჯამში ემსხვერპლა 7 563 ადამიანი.