"დღეიდან, მეგობრებო, თქვენ საქმე გექნებათ პირადად ჩემთან", — ასე მიმართა ექსპრემიერმა და ახლა უკვე თბილისის მერობის კანდიდატმა, გიორგი გახარიამ ყოფილ თანაგუნდელებს. გახარიას თქმით, ქართული ოცნების მოქმედი ლიდერები ძალადობენ მოქალაქეებზე.

"მე მინდა თოთოეულ ჩვენს და ჩემს ყოფილ თანაგუნდელ მივმართო და ვუთხრა მათ, რომ სიმართლე ერთია და არ არსებობს სხვა სიმართლე. სიმართლეა, დღეს როდესაც სახელმწიფო, რომელიც მართული დღევანდელი ორგანიზაცია ქართული ოცნების დღევანდელი ბოსებით ძალადობს საქართველს რიგით მოქალაქეებზე მხოლოდ და მხოლოდ იმის გამო, რომ მათ გამოხატეს თავისი აზრი პოლიტიკური.

დღე სახელმწიფო ინსტიტუტები გამოყენება იმისთვის, რომ თითოეულ საქართველოს მოქალაქეს სამსახურიდან დათხოვნის რისკის ფასად აიძულონ მიიღონ პოლიტიკური გადაწყვეტილება. დღეს სახელმწიფო ინსტიტუტები გამოიყენება იმისთვის, რომ ადამიანებს აგდებენ სამსახურიდან მხოლოდ და მხოლოდ პოლიტიკური მოსაზრებებიდან გამომდინარე და ფაქტობრივად ტოვებენ ოჯახს შემოსავლის გარეშე. ამიტომ, მე მინდა ჩემს ყოფილ თანაგუნდელებს ვუთხრა — დღეიდან, მეგობრებო, თქვენ საქმე გექნებათ პირადად ჩემთან", — განაცხადა გიორგი გახარიამ.

გიორგი გახარიამ, როგორც პარტია საქართველოსთვის ლიდერმა, თბილისის მერობის კანდიდატად დღეს საკუთარ თავი წარადგინა.