იუსტიციის სამინისტრო სრულად ვაქცინირებულებისთვის შეღავათებს აწესებს. ორჯერადად აცრილები სერვისების ნაწილს უფასოდ, ნაწილს კი ნახევარ ფასად იუსტიციის სახლებსა და საზოგადოებრივ ცენტრებში წინასწარი ჯავშნის გარეშე მიიღებენ.

სრულად ვაქცინირებულები უსასყიდლოდ იუსტიციის სამინისტროს შემდეგი სერვისებით ისარგებლებენ:

  • ინდივიდუალური მეწარმის რეგისტრაცია, რეგისტრირებულ მონაცემებში ცვლილება და შეწყვეტა;
  • უძრავ ქონებაზე ამონაწერის განახლება.

სრულად ვაქცინირებულთათვის 50%-იანი ფასდაკლება იმოქმედებს შემდეგ სერვისებზე:

  • ქორწინების დამაბრკოლებელი გარემოებების შესახებ ცნობა;
  • ID ბარათზე სერთიფიკატის განახლება.

ამასთან, იუსტიციის სახლებსა და საზოგადოებრივ ცენტრებში კვლავ შესაძლებელია კოვიდპასპორტების გაცემა. განცხადების წარდგენა უფასოა და დოკუმენტი განცხადების წარდგენისთანავე, პირადობის დამადასტურებელი მოწმობის საფუძველზე გაიცემა. მისი მიღება საქართველოს მასშტაბით ყველა ფილიალშია შესაძლებელი.

კოვიდპასპორტზე იქნება ინფორმაცია სრული ან ნაწილობრივი ვაქცინაციისა და ბოლო PCR-კვლევის შესახებ, ასევე პირადი მონაცემები და აცრის უნიკალური QR კოდი იქნება წარმოდგენილი.