ჯანდაცვის მინისტრის მოადგილის, თამარ გაბუნიას განცხადებით, ვაქცინაციის მოძრავი პუნქტების რაოდენობის გაზრდა იგეგმება.

"ვფიქრობ, რომ ძალიან კარგი დასაწყისი ჰქონდა მოძრავი ვაქცინაციის ცენტრის პროექტს, მაღალი იყო. აქტივობა 28 მარიამობის დღესასწაული იყო და მიუხედავად ამისა, მაინც საკმაოდ მაღალი აქტივობით დახვდნენ მოქალაქეები იმუნიზაციის შესაძლებლობას. გაიზრდება კიდევ იმ პუნქტების რაოდენობა, ვინც ავტობუსით მოემსახურება მოსახლეობას დიდ ქალაქებში, რუსთავზე ვმუშაობთ, ზუგდიდმა გამოხატა ინტერესი და შევეცდებით, რომ სწრაფად გაკეთდეს", — განაცხადა მან.

თბილისში ვაქცინაციის მოძრავი პუნქტები 27 აგვისტოს გაიხსნა. ჯანდაცვის სამინისტროს განმარტებით, 3 ასეთი ავტობუსი იქნება — ერთი სადგურის მოედანზე იდგება, 2 კი გლდანსა და ვარკეთილში იმოძრავებს. ავტობუსები 2-საათიანი შუალედით გადაადგილდება.