საერთაშორისო გამოცემა Global Finance-მა საქართველოს ბანკი 2021 წელს საქართველოში საუკეთესო კორპორაციულ ციფრულ ბანკად დაასახელა.

გამოცემამ ბანკი ცენტრალური და აღმოსავლეთ ევროპის მასშტაბით კიდევ ხუთ ქვეკატეგორიაში ცნო საუკეთესოდ. ეს კატეგორიებია: ინვესტიციების მართვის ონლაინ სერვისები, ვაჭრობის დაფინანსება, ხაზინის ონლაინ სერვისები, მობილურზე ადაპტირებადი პლატფორმა, საუკეთესო ბანკი მცირე და საშუალო ბიზნესისთვის.

Global Finance-მა საქართველოს ბანკს ჯილდოები მსოფლიო დონის ჟიურის წევრების, Infosys-ის საერთაშორისო ექსპერტების შეფასებებზე დაყრდნობით გადასცა.

"სწრაფად მზარდ ციფრულ ბიზნეს გარემოში განსაკუთრებით მნიშვნელოვანი გახდა ციფრული ტექნოლოგიები, ვინაიდან სწორედ ეს განაპირობებს დღეს ბიზნესის სამომავლო წარმატებას. Global Finance-ის მხრიდან მსგავსი აღიარება კიდევ ერთი დასტურია იმისა, რომ ციფრული ტრანსფორმაციისაკენ სწორი გეზი გვაქვს აღებული. ეს ჯილდო ყველა იმ ადამიანს ეკუთვნის, ვინც ბანკის დისტანციური პროდუქტების შექმნაში იღებდა მონაწილეობას. რა თქმა უნდა, ჩვენ აქ არ ვჩერდებით და ვაგრძელებთ როგორც უკვე არსებული პროდუქტებისა და სერვისების დახვეწას, ასევე ინოვაციების დანერგვას, რათა მეტი შესაძლებლობები შევუქმნათ ჩვენს ბიზნეს მომხმარებლებს", — განაცხადა საქართველოს ბანკის გენერალური დირექტორის მოადგილემ, ვახტანგ ბობოხიძემ.

აღნიშნული ჯილდოს მოსაპოვებლად ბანკები ცენტრალური და აღმოსავლეთ ევროპის მასშტაბით იღებდნენ მონაწილეობას.

გამარჯვებულებს შორის არიან ისეთი საერთაშორისო ბანკები, როგორებიცაა Sberbank, Alfa-Bank, Tinkoff Bank, Evoca Bank, UniCredit Bulbank, OTP Bank და სხვა.