განათლების მინისტრის, მიხეილ ჩხენკელის განცხადებით, ქართული ოცნება "სკოლების აღმშენებლობითაა" დაკავებული. მისი თქმით, მმართველი გუნდის უმთავრესი მიზანია საქართველოს ყველა სკოლა იყოს ევროპული სტანდარტების შესაბამისი და ამას აუცილებლად მიაღწევენ.

"როგორც მოგეხსენებათ, წინა ხელისუფლების დროს სკოლებს ანგრევდნენ — ანგრევდნენ უნიკალურ ლაბორატორიებს, პროფესიულ სასწავლებლებს. მათგან განსხვავებით ჩვენი გუნდი სკოლების და საგანმანათლებლო ცენტრების აღმშენებლობით არის დაკავებული", — განაცხადა მან.

ჩხენკელმა მსგავსი განცხადება 17 აგვისტოს, ქობულეთის მერობის კანდიდატის წარდგენისასაც გააკეთა. დღეს, მან ასევე კიდევ ერთხელ გაიმეორა, რომ "ჭეშმარიტად განათლებული" თაობის მისაღებად, აუცილებელია არჩევნებში ქართულმა ოცნებამ გაიმარჯვოს.