ნაციონალური მოძრაობის თავმჯდომარის, ნიკა მელიას განცხადებით, არჩევნები არათუ უნდა გადაიდოს, რაც შეიძლება მალე უნდა მოიპოვონ გამარჯვება. ასე ეხმაურება ის სახალხლო დამცველის განცხადებებს რთული ეპიდვითარების გამო არჩევნების გადადების აუცილებლობაზე.

"არათუ გადასადები არ არის არჩევნები, ხალხნო, მალევე არის გამარჯვება მოსაპოვებელი, რომ პროფესიონალები, კვალიფიციური ადამიანები მოვიდნენ და ყველაფერთან ერთად ეპიდემიაც მართონ. რომელ გადადებაზეა საუბარი?!" — განაცხადა მან.

სახალხო დამცველი, ნინო ლომჯარია აცხადებს, რომ როცა ქვეყანაში დღიურად 60-70 ადამიანი იღუპება და მოქალაქეთა სათანადო რაოდენობა ვაქცინირებული არ არის, არ შეიძლება, "ყველაფერი იყოს ღია". მისი თქმით, ეპიდვითარების დასტაბილურებამდე, საჭიროა რეგულაციების გამკაცრება და არჩევნების გადადებაზე ფიქრი.

სახალხო დამცველის განცხადებას პრემიერმინისტრი, ირაკლი ღარიბაშვილიც გამოეხმაურა და განცხადა, რომ ეს ნაციონალური მოძრაობის შემუშავებული გეგმის ნაწილია.