12 გამაღიზიანებელი კლიშე, რომელიც რომანტიკულ ფილმებსა და სერიალებში გვხვდება

ყველამ ვიცით, რომ ერთი და იმავე ჟანრის ფილმებსა და სერიალებს ერთმანეთთან უამრავი რამ აქვთ საერთო. ეს ბუნებრივიცაა, რადგან სრულად ორიგინალური სიუჟეტის გამოგონება, ფაქტობრივად, შეუძლებელია. ამის მიუხედავად, ზოგიერთი სცენა თუ მომენტი იმდენად ხშირად გვხვდება, რომ მათი ყურება უკვე უბრალოდ ყელში ამოგვივიდა. გამონაკლისი არც რომანტიკული ფილმები და სერიალებია, რომლებშიც გამაღიზიანებელ კლიშეებს ძალიან ხშირად წააწყდებით.

მაშ ასე, გთავაზობთ 10 გაცვეთილ კლიშეს, რომელთა ნახვაც რომანტიკულ ფილმებსა და სერიალებში მოგვბეზრდა:

1. იმ კაცების რომანტიზება, რომლებიც უარის რამდენჯერმე მიღების შემდეგაც კი არ ასვენებენ ქალებს

რეალურ ცხოვრებაში ასეთ ადამიანთან ურთიერთობა ძალიან რთულია. ის არ სცემს თქვენს სურვილებსა და აზრს პატივს.

2. ორი დღის გაცნობილ ადამიანებს ერთმანეთი თავდავიწყებით უყვარდებათ

რეალურ ცხოვრებაში ეს კარგად შეიძლება სულაც არ დასრულდეს.

3. პატარძლები, რომლებიც ქორწილიდან გარბიან, რათა ნამდვილ სიყვარულს შეხვდნენ

ნუთუ ამ დროს ქორწილისთვის გაღებულ ხარჯებზე არავინ ფიქრობს?

4. როდესაც საყვარელი ადამიანის შესაჩერებლად ან მათთვის გრძნობების გასამხელად აეროპორტში გარბიან და დრამატულ სცენებს აწყობენ

რა თქმა უნდა, ამ გადაწყვეტილებას მუდამ უკანასკნელ წამს იღებენ.

5. როდესაც ნორმალური კომუნიკაცია ყველა პრობლემას მოაგვარებდა, თუმცა პერსონაჟებს საუბარს გაურკვევლობაში ყოფნა ურჩევნიათ

მაგრამ სხვანაირად ხომ ფილმი/სერიალი 10 წუთში დასრულდებოდა?

6. როდესაც საყვარელი ადამიანის კონტროლი და მის პირად სივრცეში შეჭრა რომანტიკულ ქცევად ითვლება

მსგავსი ადამიანისგან თავის შორს დაჭერა საუკეთესო გადაწყვეტილებაა.

7. ქალი, რომელსაც პარტნიორი არ ჰყავს, აუცილებლად უბედურია

რაც არ უნდა გასაკვირი იყოს, ბედნიერებისთვის შეყვარებულის ყოლა აუცილებელი არაა.

8. პერსონაჟები, რომლებიც ოცნებაზე/შანსზე უარს იმისთვის ამბობენ, რომ არც ისე კარგ პარტნიორებს არ აწყენინონ

საყვარელი ადამიანისთვის კომპრომისზე წასვლა ცუდი სულაც არაა, თუმცა ისინი საკუთარ ოცნებებზე უარის თქმას არ უნდა გაიძულებდნენ.

9. ვიღაცის კოცნით გაჩუმება მაშინ, როდესაც რაღაც მნიშვნელოვანის თქმას ცდილობს ან გაბრაზებულია

პრობლემებს საუბარი და მოსმენა აგვარებს და არა — კოცნა.

10. როდესაც მთავარი გმირები გარშემომყოფებს ატყუებენ, თითქოს ერთად არიან

...და ტყუილი აუცილებლად რეალურ გრძნობებში გადაიზრდება.

11. გმირებს თავდაპირველად ერთმანეთი სძულთ, თუმცა მალე სიძულვილი სიყვარულში გადაიზრდება

ასეთი ფილმების/სერიალების სიუჟეტის 99% მათ კამათს ეთმობა, სიყვარულს კი ბოლო 10 წუთი.

12. როცა გმირები იფიცებიან, რომ ერთმანეთი არ შეუყვარდებათ

...მაგრამ, რა თქმა უნდა, პირობას არ ასრულებენ.

ბოლო ამბები:

გირჩევთ