BBC იუწყება, რომ კანადის პრემიერმინისტრმა, ჯასტინ ტრუდომ, ქვეყნაში პანდემიის მეოთხე ტალღის დაწყებასთან ერთად, ვადამდელი არჩევნები დანიშნა. ტრუდომ განაცხადა, რომ საყოველთაო არჩევნები მნიშვნელოვანია, რათა ამომრჩეველს თავისი აზრის დაფიქსირების საშუალება მიეცეს ამ გადამწყვეტ მომენტში.

"კანადელებმა უნდა აირჩიოს, როგორ დავასრულებთ კოვიდ-19-თან ბრძოლას", — აცხადებს ლიბერალური პარტიის ლიდერი.

კანადელები ხმას 20 სექტემბერს მისცემენ, რაც ჩანიშნულ არჩევნებს ორი წლით უსწრებს წინ.

კვირას ტრუდო კანადის გენერალ-გუბერნატორ მერი საიმონს შეხვდა და მას პარლამენტის დათხოვნა სთხოვა.

2019 წლის არჩევნებში ლიბერალების პარტიამ ხმების უმცირესობა მიიღო, რაც იმას ნიშნავს, რომ დღის წესრიგის დაყენებასა და კანონების შემუშავებაში მათ ოპოზიციური პარტიების თანხმობა სჭირდება, ამ სიტუაციაში კი ოპოზიცია აკრიტიკებს ტრუდოსა და მის პარტიას პადემიის პერიოდში ხუთკვირიანი კამპანიის დაწყების გამო მხოლოდ და მხოლოდ "პოლიტიკური მოგებისათვის".