ტერაბანკი მომხმარებლებს ახალ, მარტივ ავტო სესხს — ტერა ავტოს სთავაზობს. პროდუქტი განკუთვნილი მათთვის, ვისაც მსუბუქი ავტომობილის, ავტობუსის ან მსხვილი სატრანსპორტო საშუალების შესაძენად თანხა ესაჭიროება. ამას გარდა, სესხის აღებას შეძლებენ ის მსურველებიც, რომლებიც ამ სატრანსპორტო საშუალებებს უკვე ფლობენ.

ტერა ავტოს მსურველი სესხს 45 წუთში მიიღებს. მინიმალური ოდენობა 1 000 ლარია, მაქსიმალური კი — 100 000 ლარი. აღსანიშნავია, რომ სესხის მისაღებად თავდები ან თანამსესხებელი არ მოითხოვება. სესხი მანქანის ბანკზე გადაფორმების გარეშე გაიცემა და არ მოითხოვება შემოსავლების დოკუმენტურად დადასტურება. გირავნობის ხარჯი, სესხის გაცემისა და თანხის გატანის საკომისიო კი 0 ლარია.

"ეს ახალი, კონკრეტულ სეგმენტზე მორგებული პროდუქტი კიდევ უფრო ამრავალფეროვნებს ჩვენი პროდუქტების არჩევანს და ზრდის ხელმისაწვდომობას. ვფიქრობთ, სხვა სესხების მსგავსად, ტერა ავტო პოპულარული მალევე გახდება", — აცხადებენ ტერაბანკში.

პროდუქტით სარგებლობა შეუძლია ყველას, მათ შორის ტერაბანკის არსებულ მომხმარებლებს, ასევე მათ, ვისაც სხვა საფინანსო ორგანიზაციიდან პორტირება სურთ.