პაპუაშვილი სირცხვილიაზე: შინაარსს დაუკვირდით, თუ არ მიენიჭა — რატომ და თუ მიენიჭა — რისთვის
![](http://rachel.on.ge/2021/04/28/1619610125.jpg)
ფოტო: შალვა პაპუაშვილის ფეისბუქგვერდი
სირცხვილიას აქტივისტებისთვის დაზარალებულის სტატუსის მინიჭებაზე უარის თქმას, ქართული ოცნების ლიდერი, შალვა პაპუაშვილი სამართლებრივი სტანდარტებით ხსნის. მისი თქმით, სწორედ ასე მოქმედებს პროკურატურა და მათ უნდა ვანდოთ ეს საქმე, ხოლო, თუ ბოლოს შედეგით უკმაყოფილო დავრჩით, მაშინ გავასაჩივროთ.
ჟურნალისტების კითხვის პასუხად, რატომ ეუბნება პროკურატურა უარს აქტივისტებს და ხომ არ არის ეს გამოწვეული იმით, რომ ისინი კრიტიკულად არიან განწყობილები, პაპუაშვილი ამბობს, რომ გამოძიება მიდის გამჭვირვალედ და აუცილებელია, "შინაარს დავუკვირდეთ".
"იმისთვის, რომ ეს აღქმები არ იყოს, სტატუსი მიენიჭა, არ მიენიჭა და რატომ... ერთი რომ, სიღრმეში ჩავიდეთ და შინაარსს დაუკვირდით, თუ არ მიენიჭა — რატომ და თუ მიენიჭა —რისთვის. მეორე, არ ვიყოთ ზედაპირულები, მათ შორის, ასეთი სისხლის სამართლის საქმეების განხილვის დროს... ჩვენ არ ვართ დროის იმ პერიოდში, როდესაც სახალხო ტრიბუნალი იმართება და ხდება აქ ადამიანის გასამართლება, დადანაშაულება ან გამართლება", — განაცხადა მან.
მოძრაობა სირცხვილიას წევრები პროკურატურის მიერ მიღებული გადაწყვეტილების გასაჩივრებას აპირებენ. მათი განცხადებით, უწყებამ ისინი 5 ივლისის ძალადობრივ თავდასხმაში დაზარალებულად არ ცნო იმის მიუხედავად, რომ ძალადობრივი ჯგუფები სწორედ მათ ოფისში შეჭრას ცდილობდნენ. აქტივისტების თქმით, ამ ფონზე იმის თქმა, რომ ძალადობის ადრესატები არ ყოფილან, სამარცხვინო და ცინიკურია.
სირცხვილიას განცხადებით, 5 ივლისს სირცხვილიას ოფისზე თავდასხმის მომენტში მარიამ დოლიძე, ზუკა ბერძენიშვილი, სალომე ბარკერი და გიგა მაქარაშვილი ოფისში იყვნენ, როდესაც ძალადობრივი ჯგუფის წევრები მუქარისა და სიტყვიერი შეურაცხყოფის პარალელურად, კარის შემტვრევასა და ოფისში შეღწევას ცდილობდნენ.
5-6 ივლისს ჰომოფობიურ და ძალადობრივი ჯგუფების თავდასხმის შედეგად 50-ზე მეტი ადამიანი დაშავდა, მათგან უმრავლესობა მედიის წარმომადგენელია. ძალადობრივი ჯგუფები თავს დაესხნენ თბილისი პრაიდის, სირცხვილიასა და ადამიანის უფლებათა ცენტრის ოფისებსაც. 11 ივლისს, აქციაზე ნაცემი TV პირველის ოპერატორი, ლექსო ლაშქარავა გარდაიცვალა.
ჰომოფობიური და ძალადობრივი კონტრაქციის ორგანიზატორები ამ დრომდე არ დაუკავებიათ.
წაიკითხეთ ასევე:
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები