შრომის ინსპექციამ აჭარაში ხალხმრავალი ღონისძიებებისა და ქორწილების გამართვის არაერთი ფაქტი გამოავლინა. უწყების განცახდებით, რეგულაციების დარღვევისთვის დაჯარიმდა 10 ფიზიკური და იურიდიული პირი, მათგან ორს დაეკისრა სისხლის სამართლებრივი პასუხისმგებლობა.

უწყების გავრცელებულ კადრებში ჩნას, რომ დაჯარიმებულ ობიექტებს შორის არის ივენთ ჰოლი ბაგრატიონი, წვეულებათა სახლი დავითი, რესტორანი ლიდერი. კადრებში ჩანს ისიც, რომ თითეულ მათგანში ხალხმრავალი ქორწილები იმართებოდა.

შრომის ინსპექციის განცხადებით,ოპერირება მიმდინარეობს ყველა რეგიონულ ცენტრში.

საკოორდინაციო საბჭოს გადაწყვეტილებით, სოციალური ღონისძიებების მასპინძლობისთვის კვების ობიექტი თუ სარიტუალო დარბაზის მფლობელი პირველ ჯერზე 10 000 ლარით დაჯარიმდება, ხოლო განმეორების შემთხვევაში შესაბამისი ობიექტი დაილუქება. მთავრობის დადგენილებით აკრძალულია ისეთი სოციალური ღონისძიებების გამართვა, როგორიცაა: ქორწილი, ქელეხი, იუბილე და სხვა.

დაავადებათა კონტროლის ეროვნული ცენტრის ხელმძღვანელი, ამირან გამყრელიძე ფიქრობს, რომ ჯარიმის შემდეგ ობიექტის დალუქვა შედეგის მომტანი იქნება.