ღარიბაშვილი: როდის ყოფილა ასეთი ხანგრძლივი მშვიდობიანი და სტაბილური პერიოდი ქვეყანაში?

10 Aug. 2021, 12:01

მოდით ვთქვათ, გულწრფელად, ერთი წამით დავფიქრდეთ, როდის ყოფილა ასეთი ხანგრძლივი მშვიდობიანი და სტაბილური პერიოდი ჩვენს ქვეყანაში? გავიხსენოთ 90-იანი წლების დასაწყისი, როგორ მოვექეცით ჩვენს თავს, ჩვენს ქვეყანას, ჩვენს ხალხს როგორ მოვექეცით, გვქონდა ომები, სამოქალაქო დაპირისპირება, ძმათა შორის მკვლელობა, ათასი უბედურება და დესტაბილიზაცია გამოსცადა ჩვენმა ქვეყანამ. შემდეგ თითქოს დასტაბილურდა ყველაფერი, თითქოს ახალი ტალღა დაიწყო მშვიდობისა და განვითარების, მაგრამ შემდეგ ფატალურად დასრულდა მოჩვენებითი ერთგვარი მშენებლობა. 2008 წლის აგვისტოს ომის გამოუსწორებელი შედეგი მართლაც ძალიან მძიმე აღმოჩნდა ჩვენი ქვეყნისთვის. ომი არის ყველაზე საშინელება, მეგობრებო და კიდევ ვიმეორებ, რომ ხელისუფლება, რომელიც ვერ ააცილებს საკუთარ ხალხს და საკუთარ ქვეყანას ომს, ის ხელისუფლება, ის პოლიტიკოსი, მმართველი არ იმსახურებს არა თუ ხელისუფლებაში დაბრუნებას არამედ პოლიტიკაში დარჩენას. ჩვენი გუნდი, ქართული ოცნება არის ერთადერთი ის პოლიტიკური ძალა, რომელმაც შეძლო ხანგრძლივი მშვიდობის, სტაბილურობის და განვითარების შემოტანა ჩვენს ქვეყანაში. ეს არის ერთადერთი ხანგრძლივი, 8 წლიანი პერიოდი, როცა ჩვენს ქვეყანას საბედნიეროდ, არ ჰქონია ომი.

ბოლო ამბები:

ირაკლი ღარიბაშვილი ღარიბაშვილი: როდის ყოფილა ასეთი ხანგრძლივი მშვიდობიანი და სტაბილური პერიოდი ქვეყანაში?

კომენტარები

კვირის ტოპ-5

გირჩევთ

ახლა კითხულობენ

წინანდლის ფესტივალის მერვე სეზონის გახსნამდე ისტორიულ მამულში პრესკონფერენცია გაიმართა