რუსთაველის გამზირზე, პარლამენტის შენობის წინ ტელეკომპანია რუსთავი 2-ის მხარდასაჭერი აქცია-კონცერტი მიმდინარეობს.

აქციას ესწრებიან არასამთავრობო ორგანიზაციებისა და მედიის წარმომადგენლები, ასევე სხვადასხვა პოლიტიკური პარტიის წევრები და არხის მხარდამჭერი მოქალაქეები.

კონცერტის გახსნისას არხის გენერალური დირექტორის მოადგილემ ზაალ უდუმაშვილმა სცენიდან მიმართა შეკრებილებს და მადლობა გადაუხადა მათი და სიტყვის თავისუფლების დაცვისთვის:

"ისტორიულ გამარჯვებას მივაღწიეთ სტრასბურგის სასამართლოში, საბოლოო გამარჯვება იქნება მაშინ, როდესაც ამ ქვეყანაში ვერავინ ვეღარ შეძლებს სიტყვის თავისუფლებაზე ხელის აღმართვას".

არასამთავრობო ორგანიზაცია საქართველოს დემოკრატიული ინიციატივის თავმჯდომარემ, გიორგი მშვენიერაძემ რუსთავი2-ის საქმეზე აღნიშნა, რომ ხელისუფლების მხრიდან სამაუწყებლო კომპანიის წინააღმდეგ საფრთხე მაინც არსებობს.

საიას იურისტმა სულხან სალაძემ კი განაცხადა, რომ აქციაზე მისული თითოეული ადამიანისთვის კრიტიკული აზრი მნიშვნელოვანია.

რუსთავი 2-ის საქმე - დეტალები მოკლედ