რეკორდსმენმა ღამურამ 2018 კილომეტრი გაიფრინა და ლონდონიდან რუსეთში ჩაფრინდა, თუმცა სამწუხაროდ, ეს ქვეყანა მისი უკანასკნელი გაჩერება აღმოჩნდა.

მდედრი ღამურა, რომელიც სულ რაღაც 8 გრამს იწონიდა, რუსეთში საკუთარ ეზოში ქალმა იპოვა. ის ვეტერინარების ჯგუფმა წაიყვანა, თუმცა მისი გადარჩენა ვერ მოხერხდა. ღამურას ლონდონის ზოოპარკის ბეჭედი ჰქონდა და მისი ამოცნობა ასე მოხერხდა.

აქამდე შემონახული რეკორდების მიხედვით, ეს ყველაზე გრძელი გზაა, რომელიც ღამურას გაუვლია.

ღამურების მიგრაციას მეცნიერები კლიმატის ცვლილებებს უკავშირებენ და ვარაუდობენ, რომ სახეობაზე მომავალი კიდევ უფრო დიდ გავლენას მოახდენს.