თბილისის მერმა დავით ნარმანიამ გუშინ საღამოს, კლდიაშვილის ქუჩაზე მომხდარ ხანძართან დაკავშირებით ჟურნალისტებს განუცხადა, რომ მერია მაქსიმალურად დაეხმარება დაზარალებულებს. მისივე ინფორმაციით, მოსახლეობა სხვადასხვა სასტუმროში დაბინავდა:

"ამ ეტაპზე მიყენებული ზიანის დაანგარიშება მიმდინარეობს. გუშინ ღამით მოსახლეობა სხვადასხვა სასტუმროებში დაბინავდა. დღეიდან, იქ, სადაც უსაფრთხოა ცხოვრება, მოსახლეობა, რასაკვირველია, შევა თავის სახლებში, თუმცა არის დაზიანებული ბინებიც, სადაც აღდგენასთან დაკავშირებულ საკითხებზე ვიმუშავებთ, რათა დროულად აღდგეს".

გუშინ, 10 მარტს, თბილისში, კლდიაშვილის ქუჩის კუთხეში, საცხოვრებელ სახლის მესამე სართულს ცეცხლი გაუჩნდა. ხანძრის შედეგად 2 500მ2 საცხოვრებელი ფართი დაიწვა.