აგვისტოს ომმა გზა გაუხსნა ყირიმის ანექსიას და დონბასში მიმდინარე პროცესს

ლიეტუვას საგარეო საქმეთა ყოფილი მინისტრი, ლინას ლინკევიჩუსი, რუსეთ-საქართველოს ომის მე-13 წლისთავზე აცხადებს, რომ ეს ომი საერთაშორისო ძალისხმევის არაეფექტიანობის ყველაზე მტკივნეული მაგალითია, რამაც ყირიმის და დონბასის ანექსიასაც გაუხსნა გზა.

"რუსეთის ომი საქართველოს წინააღმდეგ 13 წლის წინ, ქვეყნის ტერიტორიის 20%-ის ოკუპაცია და საერთაშორისო ძალისხმევის არაეფექტიანობა ბოლო პერიოდის "დაუსწავლელი გაკვეთილის" ყველაზე მტკივნეული მაგალითია, რომელმაც მოგვიანებით გზა გაუხსნა ყირიმის ანექსიას და მიმდინარე აგრესიას დონბასში", – წერს ლინას ლინკევიჩუსი ტვიტერის საკუთარ გვერდზე.

#Russia’s war against #Georgia 13 y ago, occupation of 20% of its territory and the ineffectiveness of international efforts are the most painful example of recent ‘lessons not learned’ which later paved the way for the annexation of #Crimea and ongoing aggression in #Donbass pic.twitter.com/hJbjWk6f0n
— Linas Linkevicius (@LinkeviciusL) August 7, 2021

აგვისტოს ომის დაწყებიდან 13 წელი გავიდა. 2008 წლის აგვისტოში რუსეთი საქართველოს ტერიტორიაზე შემოიჭრა, ცეცხლი გაუხსნა ქართულ სოფლებს, დაიკავა როკის გვირაბი. საქართველომ რუსულ აგრესიას უპასუხა. ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა.

აგვისტოს ომმა 400-ზე მეტი ადამიანის სიცოცხლე იმსხვერპლა, მათ შორი 170 სამხედრო მოსამსახურე იყო. ჯანდაცვის სამინისტროს მონაცემებით, ომში დაიჭრა/დაშავდა 2 232 პირი, მათგან 1 045 სამხედრო მოსამსახურე.

2008 წლის 12 აგვისტოს ცეცხლის შეწყვეტის შეთანხმებით აღებული ვალდებულებების მიუხედავად, რუსეთი კვლავ აგრძელებს სუვერენული და დამოუკიდებელი სახელმწიფოს რეგიონების უკანონო ოკუპაციას, საერთაშორისო სამართლის უგულებელყოფით. საოკუპაციო ხაზთან კვლავ არსებობს საქართველოს მოქალაქეების გატაცებებისა და უკანონო დაკავებების ფაქტები. ასევე, საოკუპაციო ხაზის გასწვრივ განლაგებულია მავთულხლართები და ე.წ. საზღვრის აღმნიშვნელი ნიშნები

2021 წლის 21 იანვარს ადამიანის უფლებათა ევროპული სასამართლომ საქართველოს ყველა ძირითადი სარჩელი დააკმაყოფილა. კერძოდ, სტრასბურგის სასამართლო გაიზიარა საქართველოს პოზიცია და ქართველი სამხედრო ტყვეებისა და სამოქალაქო პირების მიმართ ჩადენილი წამების, არაადამიანური და ღირსების შემლახველი მოპყრობისთვის (კონვენციის მე-3 მუხლი) რუსეთი დაადანაშაულა. ასევე, სასამართლოს დიდმა პალატამ, კონვენციის მე-4 მუხლის შესაბამისად, რაც სიცოცხლის უფლებას გულისხმობს, ომის დროს საქართველოს მოქალაქეთა მკვლელობების გამოუძიებლობისთვის რუსეთის პასუხისმგებლობა დაადგინა.

გაიგეთ მეტი:

ბოლო ამბები:

გირჩევთ