ქალმა ზოოპარკიდან დათვი დაიხსნა, ახლა კი ისინი საუკეთესო მეგობრები არიან

როცა შინაური ცხოველის ყოლაზე იწყებენ ფიქრს, არჩევანი უმეტესად ძაღლსა და კატას შორისაა ხოლმე გასაკეთებელი, უფრო იშვიათად კი სხვა პატარა ცხოველებზეც არ ამბობენ უარს. თუმცა, რამდენ ადამიანს ჰყავს თავისზე ლამის ორჯერ დიდი ბეწვიანი მეგობარი, რომელსაც მთლად ოთხფეხასაც ვერ უწოდებ?

აი, ნოვოსიბირსკში მცხოვრებმა ვერონიკა დიჩკამ არჩის სახით ნამდვილად იპოვა ერთგული მეგობარიც, ფოტოსესიების კომპანიონიც და მცველიც. არჩი კი, არც მეტი, არც ნაკლები, დათვია.

თავდაპირველად, არჩი ჯერ კიდევ ბელობისას დაიხსნეს ცირკიდან, რადგან მას საკვები არ ჰყოფნიდა. მოგვიანებით ის ზოოპარკში ცხოვრობდა სხვა დათვებთან ერთად. პანდემიის გამო ზოოპარკის დახურვის შემდეგ მისი აყვანის სურვილი ვერონიკამ გამოთქვა და სწორედ აქედან დაიწყო მათი მეგობრობის ისტორიაც. მართალია, დათვი ქალს მანამდეც იცნობდა ერთობლივი ფოტოსესიებიდან, თუმცა, მხოლოდ ერთად ცხოვრების დაწყების შემდეგ იქცნენ განუყრელ წყვილად. ამის დასტური კი, სწორედაც რომ ფოტოებია.

დათუჩა ტყვეობაში დაიბადა, ამიტომ ადამიანების დახმარების გარეშე ის ვერ გადარჩება.

არჩი ძალიან ჭკვიანია, კარგი მანერებიც აქვს და ბევრი ილეთი იცის.

ვერონიკა მოდელი და პროფესიონალი მოცეკვავეა, მისი ჰობი კი თევზაობაა, ამიტომ, ცოტა ხნის წინ მეგობრებმა ერთად გასწიეს სათევზაოდ.

არჩის ახლა საკმარისზე მეტი საკვები აქვს, ამიტომ, ზამთრის ძილიც აღარ სჭირდება.

დათუჩა ვერონიკას თავისი ოჯახის წევრად თვლის — მის მკლავებში იძინებს და ქალის უკან იმალება, როცა ეშინია. რაც მთავარია, ისინი საკვებსაც დაძმურად იყოფენ.

ბოლო ამბები:

გირჩევთ

ქალმა ზოოპარკიდან დათვი დაიხსნა, ახლა კი ისინი საუკეთესო მეგობრები არიან

კომენტარები

კვირის ტოპ-5

გირჩევთ

ახლა კითხულობენ

ნახეთ: მარათონში ჩინურმა რობოტმა ადამიანის რეკორდიც კი მოხსნა