ჯანდაცვის მინისტრის მოადგილემ, თამარ გაბუნიამ განაცხადა, რომ პირბადის ტარება როგორც დახურულ, ისე ღია სივრცეებში მკაცრად რეკომენდირებულია.

"ამ ეტაპზე ყველაზე მნიშვნელოვანი გახლავთ ის, რომ შემზღუდავი ღონისძიებები და რეგულაციები, რომელიც უკვე დაწესებულია, აღსრულდეს და დღეს საკოორდინაციო საბჭომ იმსჯელა აღსრულების ზომების და მონიტორინგის გამკაცრებაზე. ასევე, მკაცრ რეკომენდაციებზე პირბადის გამოყენებასთან დაკავშირებით. რა თქმა უნდა, პირბადე ეს არის ერთ-ერთი ისევ დაცვის საშუალება, ამდენად ყველა მოქალაქესთან რეკომენდაცია ჯანდაცვის სექტორს აქვს იმგვარი, რომ პირბადის გამოყენება, როგორც გარე სივრცეში, ასევე დახურულ სივრცეში არის მკაცრად რეკომენდებული და ეს იქნება ერთ-ერთი გზა", — განაცხადა გაბუნიამ.

3 აგვისტოს მონაცემებით, საქართველოში კორონავირუსის 4 827 ახალი შემთხვევა დადასტურდა, გამოჯანმრთელდა 1 895, ხოლო გარდაიცვალა — 34 ადამიანი.

ბოლო 24 საათში ქვეყნის მასშტაბით ჩატარდა 43 932 კვლევა ტესტით, მათ შორის, 15 258 კვლევა ანტიგენის ტესტით და 28 674 PCR ტესტით.

რაც შეეხება დადებითობის მაჩვენებელს, 3 აგვისტოს მდგომარეობით, დადებითობის დღიური მაჩვენებელი არის 10,99%, ბოლო 7 დღის მანძილზე — 8,08%, ხოლო 14 დღის მანძილზე — 7,41%.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: