საქართველოს პრეზიდენტმა, სალომე ზურაბიშვილმა ადგილობრივი თვითმმართველობის არჩევნების ჩატარების თარიღად 2 ოქტომბერი დღეს ოფიციალურად დაასახელა და შესაბამისი განკარგულება გამოსცა.

ოქტომბრის არჩევნები სხვა მსგავსი არჩევნებისგან იმით გამოირჩევა, რომ მისი შედეგები უშუალოდ განსაზღვრავს არა მხოლოდ მუნიციპალური ორგანოების დაკომპლექტებას, არამედ რიგგარეშე საპარლამენტო არჩევნების ჩატარების ბედს. იმ შემთხვევაში, თუ მმართველი პარტია, ქართული ოცნება პროპორციული წესით ხმათა 43%-ზე ნაკლებს მიიღებს, რიგგარეშე საპარლამენტო არჩევნები უნდა გაიმართოს.