ევროკავშირის ლიდერებმა ევროპული საბჭოს პრეზიდენტად დონალდ ტუსკი მეორედ აირჩიეს.

BBC-ის ცნობით, ლიდერებმა 27 ხმით ერთის წინააღმდეგ მისცეს ტუსკს დამატებით პრეზიდენტობის ორი წელი და ექვსი თვე.

შედეგის შემდეგ ტუსკმა დატვიტა: "მადლობელი ვარ ევროპის საბჭოს ნდობისა და დადებითი შეფასებისთვის. ყველაფერს გავაკეთებ რაც შემიძლია, რომ გავხადო ევროკავშირი უკეთესი."

ევროპის საბჭო შედგება ევროკავშირის წევრ 28 სახელმწიფოსა და მთავრობის მეთაურებისგან. ერთად ისინი ევროკავშირის სტრატეგიულ მიმართულებებს შეიმუშავებენ ისეთ სფეროებში როგორიცაა ევროზონა, საბერძნეთის ვალის კრიზისი, მიგრანტების კრიზისი და რუსეთთან ურთიერთობა.