სოციალურად დაუცველი ადამიანების დასახმარებლად, დღეს, 24 მაისს, სოციალური მაცივარი რუსთავში გამოჩნდა.

მაცივარი შარტავას ქუჩაზე #3-ში დგას. ნებისმიერ მსურველს შეუძლია მიიტანოს ხილი, ტკბილეული და სხვა პროდუქტი და გაუზიაროს მას, ვისაც ეს სჭირდება.

არასამთავრობო ორგანიზაცია "სიდას" ცნობით, სოციალური მაცივრის ირგვლივ უსაფრთხო გარემოს უზრუნველსაყოფად ვიდეო თვალია დამონტაჟებული. მაცივარში საკვები პროდუქტის განთავსება შემდეგი ინსტრუქციის მიხედვითაა შესაძლებელი:

ფოტო: არასამთავრობო ორგანიზაცია "სიდა"

მაცივარი რუსთაველი ახალგაზრდების ინიციატივითა და არასამთავრობო ორგანიზაცია "სიდას" მხარდაჭერით გაიხსნა.

ბოლო რამდენიმე თვის განმავლობაში გახსნილი ეს უკვე მესამე სოციალური მაცივარია. 2015 წელს მსგავსი მაცივარი გორში, ხოლო 2016 წელს თბილისში დადგეს.