ალბათ, "ჩართეს" (charte.ge) შესახებ უკვე გსმენიათ — ეს საქველმოქმედო პლატფორმაა, რომელზეც 2500+ რიგითი დონორი სოციალურად დაუცველი უფროსკლასელებისთვის ინტერნეტსა და კომპიუტერს ყოველთვიურად აფინანსებს.

უკვე 1400-მდე მოსწავლეს აქვს წვდომა საგანმანათლებლო რესურსებზე, ტრენინგზე, მენტორობაზე.

მაგრამ დაახლოებით 78 000 მოსწავლე ონლაინ რევოლუციის მიღმაა დარჩენილი: მათ ხელმოკლეობის გამო არ მიუწვდებათ ხელი ინტერნეტსა და კომპიუტერზე.

"ჩართემ" დაიწყო ახალი სასწავლო წლისთვის მზადება. მათი მიზანია, რაც შეიძლება მეტი დონორი მოიძიონ და მოსწავლეთა მაქსიმალურად დიდი რაოდენობა ჩართონ პროექტში.

ამისათვის კონფლიქტისპირა სოფლებში სიუჟეტი მოამზადეს, სადაც გიორგი კვანტრიშვილი "ჩართეს" ველზე მიყვება და მაყურებელთან ერთად პროექტის შიდა სამზარეულოში ერკვევა. დაბრკოლებებითა და ემოციით სავსე ვიდეო კარგად წარმოაჩენს, რამდენად საჭიროა ინტერნეტი კონფლიქტისპირა დასახლებებში, განსაკუთრებით პანდემიის პირობებში.

როგორ შეგიძლიათ მონაწილობა თქვენ?

პირველ რიგში, გააზიარეთ ვიდეო!

გარდა ამისა:

  1. გახდით ჩართეს დონორი; ამისთვის თუნდაც 1 ლარიც საკმარისია. პროექტისგან ყოველთვიურად მიიღებთ გამჭვირვალობის ანგარიშს;
  2. გააკეთეთ ერთჯერადი შემოწირულობა. შეგიძლიათ, შემოწირულობა მეგობრის სახელზეც გააკეთოთ და მას პერსონალიზებული წერილი გაუგზავნოთ;
  3. შეიძინეთ ჩართეს მაისური ან ჰუდი. ყოველ შენაძენზე 5 ლარი „ჩართეში“ გადაირიცხება;
  4. გაუზიარეთ ინფორმაცია თქვენი კომპანიის თანამშრომლებს; მათთვის "ჩართემ" ვებგვერდი მოამზადა;
  5. გამოიწერეთ "ჩართეს" ყოველთვიური გამჭვირვალობის ანგარიში;
  6. გამოჰყევით "ჩართეს" Facebook-ზე;
  7. გაუზიარეთ ინფორმაცია მეგობრებს.