საქართველოს საპარლამენტო უმრავლესობის ლიდერი, მამუკა მდინარაძე სტრასბურგის ადამიანის უფლებათა სასამართლოში შეტანილ რუსთავი 2-ის საქმეს ნაციონალური მოძრაობის სასამართლო დავად აფასებს. ამის შესახებ კობახიძემ 7 მარტს განაცხადა.

„პრეცედენტული ნამდვილად არ არის, აქამდე ამ საქმეს ერქვა ქიბარ ხალვაში [გიორგი და ლევან] ყარამანიშვილების წინააღმდეგ და ქართულ სასამართლოში [ქიბარ] ხალვაშმა მოიგო ეს დავა, მოგეხსენებათ. ამიერიდან ამ საქმეს ჰქვია, რუსთავი 2, ესე იგი ნაციონალური მოძრაობა საქართველოს წინააღმდეგ. ეს გადაწყვეტილება ნიშნავს, პირდაპირ გეტყვით, გამოწვევას ქართული სასამართლოსათვის. აქ უკვე ქართული მხარეა ჩართული, როგორც მოპასუხე და შესაბამისად იუსტიციის სამინისტრომ უნდა წარადგინოს მტკიცებულებები, რაც დაადასტურებს ქართული მართლმსაჯულების ობიექტურობას,“ - აღნიშნა მამუკა მდინარაძემ რუსთავი 2-სთვის მიცემულ ინტერვიუში.

საქართველოს პარლამენტის თავმჯდომარემ, ირაკლი კობახიძემ გუშინ გადაცემა არჩევანის ეთერში იმედი გამოთქვა, რომ სტრასბურგში მიმდინარე სასამართლო დავაში გამარჯვებული საქართველო იქნება.