საქართველოს პროკურატურამ ე.წ. ციანიდის საქმეზე დაკავებულ გიორგი მამალაძის ორი ადვოკატის მიმართ გაუთქმელობის ხელწერილი ძალაში დატოვა. ინფორმაცია ჟურნალისტებს მესამე ადვოკატმა, მიხეილ რამიშვილმა, მიაწოდა.

იურისტების თქმით, პროკურატურის უარის მოტივი გამოძიების ინტერესები და ამ პროცესში მონაწილე პირების უსაფრთხოება იყო.

მიხეილ რამიშვილმა ასევე განაცხადა, რომ ის გაეცნო პატრიარქის რეფერანტის შორენა თეთრუაშვილის ჩვენებებს:

"ქალბატონ შორენა თეთრუაშვილის ჩვენებები წავიკითხე, ორი ჩვენება აქვს მიცემული, კიდევ ერთხელ გავმეორდები და ვიტყვი, რომ გონიერება თუ ეყოფათ, საქმე უნდა შეწყვიტონ".

რამიშვილის თქმით, ჩვენებების მიხედვით დეკანოზ მამალაძის მხრიდან დანაშაულის ანგარები გამო ჩადენის მოტივი არ იკვეთება. ადვოკატი დასძენს, რომ დეკანოზი გიორგი მამალაძე დაკითხვისთვის მზადაა.