ევროპული საბჭოს პრეზიდენტი, შარლ მიშელი საქართველოში ისევ ჩამოვა. ამის შესახებ ქართული ოცნების თავმჯდომარემ, ირაკლი კობახიძემ განაცხადა.

"როგორც ვიცი, 19 თუ 18 ივლისს აპირებს ჩამოსვლას", — განაცხადა ირაკლი კობახიძემ რუსთავი 2-ის ეთერში.

ჟურნალისტის კითხვას, რა პასუხს გასცემს ქართული ოცნება შარლ მიშელს 5 ივლისს და შემდგომ განვითარებულ მოვლენებთან დაკავშირებით, ირაკლი კობახიძემ ასე უპასუხა.

"5 ივლისს რაც შეეხება, ჩვენ ახლაც ვაწვდით და შარლ მიშელსაც უშუალოდ მივაწვდით მივაწვდით სრულ ინფორმაციას იმასთან დაკავშირებით, თუ რა რისკები იყო მოსალოდნელი, რა რისკები იყო გათვლილი, როგორ იმოქმედეს სამართალდამცავმა ორგანოებმა და ა.შ.

ყველაფერთან დაკავშირებით ჩვენ, ბუნებრივია, მივაწვდით ინფორმაციას. მათ შორის, იმასთან დაკავშირებით, თუ როგორი რეაქცია ჰქონდა სახელმწიფოს უკვე მას შემდეგ, რაც, სამწუხაროდ, ეს ძალადობა იქნა ჩადენილი. საუბარია შემდგომ რეაგირებაზე და კონკრეტულ დაკავებებზე და გამოძიებებზე, რომლებიც ახლაც წარიმართება".

ევროპული საბჭოს პრეზიდენტმა, შარლ მიშელმა გადამწყვეტი როლი ითამაშა 2020 წლის საპარლამენტო არჩევნების შემდეგ ქვეყანაში შემქნილი პოლიტიკური კრიზისის გადაჭრაში. მრავალთვიანი მოლაპარაკებების შემდეგ, სწორედ შარლ მიშელის ეგიდით შემქნილი დოკუმენტს მოაწერა ხელი ქართულმა ოცნებამ და ოპოზიციამ, რომლის შემდეგაც ოპოზიციური პარტიების დიდი ნაწილი პარლამენტში შევიდა.

გაიგე მეტი შარლ მიშელის დოკუმენტზე: