მსახიობი, ფილმის "და ჩვენ ვიცეკვეთ" მთავარი როლის შემსრულებელი, ლევან გელბახიანი პარლამენტთან მდუმარე აქციას შეუერთდა.

"იმიტომ ვდგავარ აქ, რომ [ძალადობრივ ჯგუფებს] შეუძლიათ ქუჩაში ირბინონ ისე, რომ ყველა დააზიანონ; შელახონ ჩვენი საგარეო იმიჯი და ჩვენ მოსახლეობას დაემუქრონ ისე, როგორც თვითონ მოეხოშებათ და მაგათ მოხოშებაზე არ არის ეს ქვეყანა მოწყობილი, ამიტომ, ყველას ურჩევნია, რომ ტ*აკი დააყენოს და მოგვცენ ჩვენ ჩვენი სივრცე და თავისუფლება", — განაცხადა ლევან გელბახიანმა.

On.ge-ს კითხვაზე, რამდენად უსაფრთხოდ გრძნობს თავს გუშინ, 5 ივლისს, ჰომოფობიურ აქციაზე მომხდარი ძალადობრივი შემთხვევების შემდეგ, გელბახიანი ასე გვპასუხობს:

"ახლა, ამ ეტაპზე მაქვს უსაფრთხოების შეგრძნება, მაგრამ, იმდენი აგრესია მოდის გარედან, რომ არ ვიცით, ეს სიმშვიდე რამდენ ხანს გაგრძელდება. ამიტომ, შსს-ს და მთავრობას მოვუწოდებ, რომ დაიცვას თითოეული მოქალაქის თავისუფლება და უსაფრთხოება".

ამ წუთებში რუსთაველზე მდუმარე აქცია თავისუფლებისთვის მიმდინარეობს. აქციაზე შეკრებილები გუშინ, 5 ივლისს ღირსების მარშის საწინააღმდეგო აქციაზე დაფიქსირებული ძალადობრივ ფაქტებს აპროტესტებენ.

პარალელურად ჰომოფობიური ჯგუფების კონტრაქცია მიმდინარეობს, რომელიც მედიის წარმომადგენლებზე გუშინაც ძალადობდნენ. ადგილზე დიდი რაოდენობით პოლიციაა მობილიზებული. მათ მდუმარე აქციისა და კონტრაქციის მონაწილეებს შორის ბარიკადები აქვთ აღმართული.

გაიგე მეტი: