ფორმულას ინფორმაციით, რუსთაველის გამზირზე მიმდინარე აქციაზე ტელეკომპანიის ჟურნალისტსა და ოპერატორს მდუმარე თავს დაესხნენ. ძალადობრივი აქციის მონაწილეებმა ოპერატორს ზურგჩანთა ჩამოგლიჯეს და სცადეს პირდაპირი ჩართვის აპარატის დაზიანება. ფორმულას ინფორმაციით, პოლიციამ გადამღები ჯგუფი ადგილიდან მალევე განარიდა.

ამ წუთებში რუსთაველზე მდუმარე აქცია თავისუფლებისთვის მიმდინარეობს. აქციაზე შეკრებილები გუშინ, 5 ივლისს ღირსების მარშის საწინააღმდეგო აქციაზე დაფიქსირებული ძალადობრივ ფაქტებს აპროტესტებენ.

პარალელურად ჰომოფობიური ჯგუფების კონტრაქცია მიმდინარეობს, რომელიც მედიის წარმომადგენლებზე გუშინაც ძალადობდნენ. ადგილზე დიდი რაოდენობით პოლიციაა მობილიზებული. მათ მდუმარე აქციისა და კონტრაქციის მონაწილეებს შორის ბარიკადები აქვთ აღმართული.

მედიის წარმომადგენკლები ძალადობრივი ჯგუფების სამიზნეები გახდნენ 5 ივლისს, ღირსების მარშის საწინააღმდეგო ჰომოფობიურ აქციაზე. ურნალისტების ნაწილი მძიმე დაზიანებებით საავადმყოფოში გადაიყვანეს. გაზინებულია ტექნიკაც.

შსს-ს ინფორმაციით, სულ ძალადობის 55 ფაქტი გამოვლინდა და მათ შორის 53 მედიის წარმომადგენელია. დღის განმავლობაში პოლიციას არავინ დაუკავებია. კონტრაქციაზე მობილიზებული იყო არასაკმარისი სამართალდამცავი და პოლიციელებს ტერიტორიიდან გაჰყავდათ არა მოძალადეები, არამედ ჟურნალისტები. დღის ბოლოს შსს-მ თქვა, რომ დაკავებული იყო მხოლოდ 8 პირი და ყველა მათგანი ადმინისტრაციული წესით.