შინაგან საქმეთა სამინისტრო ირწმუნება, რომ დღევანდელ აქციაზე უსაფრთხოების დაცვას უზრუნველყოფს და აქციის მონაწილეებს მოუწოდებს, შეკრებისა და გამოხატვის თავისუფლების კანონით დასაშვებ ფარგლებს არ გასცდნენ.

"როგორც საზოგადოებისთვის ცნობილია, რუსთაველის გამზირზე, პარლამენტის შენობის წინ "მდუმარე აქცია" დაანონსდა, რომლის პარალელურად, ქაშვეთის ტაძრის მიმდებარე ტერიტორიაზე დაიგეგმა კიდევ ერთი აქცია. მოვუწოდებთ აქციის მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს", — აცხადებს შსს.

უწყება, ასევე, ორივე აქციის ორგანიზატორებს აფრთხილებს არ დაუშვან ძალადობისკენ მოწოდებები და უზრუნველყონ, რომ აქციებმა ძალადობრივი ხასიათი არ მიიღონ.

"აქვე, არსებული რისკების გათვალისწინებით მასობრივი ინფორმაციის საშუალებების წარმომადგენლებს, მოვუწოდებთ — ითანამშრომლონ პოლიციის თანამშრომლებთან, გაითვალისწინონ შსს-ს წარმომადგენლების მითითებები და რეკომენდაციები. შინაგან საქმეთა სამინისტროს უზრუნველყოს საზოგადოებრივი წესრიგის და უსაფრთხოების დაცვას. სამართალდარღვევის ფაქტებზე სამინისტრო შესაბამის სამართლებრივ რეაგირებას მოახდენს", — ნათქვამია განცხადებაში.