რუსეთის ფედერაციის მიერ შუამავლობით დადებული შეთანხმების შედეგად, აზერბაიჯანმა სამ ივლისს ღამით 15 სომეხი სამხედრო ტყვე, დანაღმული ტერიტორიების რუკების სანაცვლოდ გაათავისუფლა.

რადიო თავისუფლების სომხური გამოცემის ცნობით, ჯარისკაცები ბაქოდან ერევანში რუსული სამხედრო სატრანსპორტო თვითმფრინავით ჩამოიყვანეს. მედიის თანახმად, სომხეთისა და აზერბაიჯანის მთავრობებმა დანაღმული ტერიტორიების რუკების გადაცემა დაადასტურეს.

დანაღმული ტერიტორიების შესახებ ინფორმაცია ბაქომ ყარაბაღის სხვა რაიონში გასულ თვესაც, 15 სხვა სომეხი ტყვეების განთავისუფლების სანაცვლოდაც, მიიღო, რომლის გაცვლაში ამერიკის შეერთებულმა შტატები და საქართველო მონაწილეობდა.

ბოლო გარიგებით, გათავისუფლებული სომეხი ტყვეებისა და მშვიდობიანი მოსახლეობის საერთო რაოდენობა 103-მდე გაიზარდა. აზერბაიჯანის ტყვეობაში, სავარაუდოდ, ათობით ადამიანი კიდევ რჩება.

ერევანი მათ დაუყოვნებლივ განთავისუფლებას გამუდმებით ითხოვს, მოჰყავს რა რუსეთის შუამავლობის ცეცხლის შეწყვეტის პირობები, რამაც ნოემბერში აზერბაიჯანსა და სომხეთს შორის ყარაბაღის მეორე ომი შეაჩერა.