საქართველოს პრეზიდენტი, სალომე ზურაბიშვილი აცხადებს, რომ ის პრეზიდნეტია და გზავნილებს არ იღებს. ასე უპასუხა მან ჟურნალისტის კითხვას, თუ მიიღო აშშ-ს ელჩისგან საქართველოში რაიმე გზავნილი, მათ შორის, სასამართლო რეფორმასთან დაკავშირებით.

"არა, მე გზავნილებს არ ვღებულობ საერთოდ, ვარ ქვეყნის პრეზიდენტი და არ უნდა მივიღო გზავნილები. ყველანი ვართ ჩართული ამ პროცესებში, აუცილებელია, რომ ეს პროცესი წავიდეს წინ და შესრულდეს ყველა ის დაპირება, რაც იქნა გაკეთებული და მე დარწმუნებული ვარ, რომ გავალთ ამ პროცესის ბოლოში", — განაცხადა მან.

დღეს აშშ-ს ელჩის რეზიდენციაში ამერიკის დამოუკიდებლობის დღესთან დაკავშირებით შეხვედრა გაიმართა.