თბილისი პრაიდის ღონისძიების პარალელურად შეკრებილი ჰომოფობიური ჯგუფების აქციაზე სულ 12 პირი დააკავეს. ინფორმაცია On.ge-ში ამის შესახებ შინაგან საქმეთა სამინისტროში განუცხადეს. ისინი ადმინისტრაციული წესით დააკავეს.

დღეს, პირველ ივლისს თბილისი პრაიდის კვირეული დაიწყო. პირველ ღონისძიებაზე ფილმის ჩვენება გაიმართა, რომელიც 2019 წლის პრაიდის მოვლენების შესახებ მოგვითხრობს.

ღონისძიებას რამდენიმე ათეული პირი ესწრება, მათ შორის დიპლომატიური კორპუსის წარმომადგენლები — გერმანიისა და დიდი ბრიტანეთის ელჩები.

იმ ტერიტორიასთან, სადაც თბილისი პრაიდის ღონისძიება იმართება, შეიკრიბნენ ჰომოფობიური და ძალადობრივი ჯგუფები, რომლებიც ფილმის ჩვენების ჩაშლას ცდილობდნენ. ისინი ისროდნენ კვერცხებსა და ბოთლებს. ადგილზე ვითარება რამდენჯერმე დაიძაბა.

ამავე თემაზე: