18 ივნისს ნიუ-იორკში ტრაიბეკას საერთაშორისო კინოფესტივალი გაიმართა, სადაც ქართველი რეჟისორის ლევან კოღუაშვილის ფილმმა მეოთხე ბრაიტონი სამ მთავარ ნომინაციაში გაიმარჯვა.

ტრაიბეკას კინოფესტივალი სხვადასხვა კატეგორიაში ავლენს გამარჯვებულებს — ამერიკული წარმოების ფილმებს ცალკე განიხილავს და სხვა დანარჩენი ქვეყნების ნამუშევრებს კიდევ ერთად. სწორედ საერთაშორისო კონკურსში დასახელდა მეოთხე ბრაიტონი საუკეთესო ფილმად, ასევე საუკეთესო სცენარის მქონე კინოსურათად და ამავდროულად საუკეთესი მსახიობი კაცის ნომინაციაშიც ლევან თედიაშვილმა გაიმარჯვა.

ლევან კოღუაშვილის ეს ახალი ნამუშევარი კომედიური დრამაა, რომელიც შვილის დასახმარებლად ნიუ-იორკში წასულ მოჭიდავეზე მოგვითხრობს.

წელს ტრაიბეკას ფესტივალი მეოცედ გაიმართა. 2002 წელს ის რობერტ დე ნირომ, ჯეინ როზენტალმა და კრეიგ ჰეტკოფმა დააარსეს. ფესტივალის ფარგლებში ყოველწლიურად აჯილდოებენ როგორც ფილმების, ისე ვიდეოთამაშების, პოდკასტებისა თუ მუსიკის შემოქმედებს.