თითქმის ორი წელია, ლაივშესრულების მოსმენის ბედნიერებას მოკლებულები ვართ, ამიტომ, ქართველი მელომანებისთვის განსაკუთრებით სასიხარულო იქნება ის ინფორმაცია, რომ სულ მალე Lisi Wonderland სიახლეებით დაბრუნდება.

ღონისძიებები — Lisi Wonderland: Chapter #5 და Lisi Wonderland: Chapter #6 — რომლებიც კორონავირუსის პანდემიის გამო რამდენიმე თვით გადაიდო, 26 და 27 ივნისს გაიმართება.

ივნისის ბოლო უქმეების ლაინაფი უკვე გამოქვეყნდა ღონისძიების ფეისბუქგვერდზე. 26 ივნისს თქვენ Doors Open-თან, Alfreda Stieglitz-თან, Digital Groove Affair-თან, Levi Love Disco-თან, Tornike Gagoshvili-თან, 4D Monster Lobsters-თან და არასთან შეხვედრის შესაძლებლობა გექნებათ.

Lisi Wonderland: Chapter #6-ზე კი კვლავაც Doors Open-ს, Zesknel Live-ს, Kodzo-ს, Erekle Getsadze-ს, წერილსა და Erekle Deisadze-ს მოუსმენთ.

ჩატარების ადგილზე ქვეყანაში მოქმედი რეგულაციები სრულად დაცული იქნება. ამასთან, ახალმა გარემოებებმა ღონისძიებების დაწყებისა და დასრულების დროებიც შეცვალეს: დასწრების მსურველები Lisi Wonderland-ზე დღის პირველი საათიდან შეძლებენ მოხვედრას.

ღონისძიების ბილეთები Tkt.ge-ზე უკვე იყიდება და მათი ფასი 20 და 30 ლარს შეადგენს.