მიმდინარე წლის იანვარ-მაისში, 2020 წლის იმავე პერიოდთან შედარებით, ექსპორტი 24,4%-ით, ხოლო იმპორტი — 15,7%-ით გაიზარდა — ინფორმაციას ამის შესახებ საქსტატი ავრცელებს. პირველი ხუთი თვის მდგომარეობით, საქართველოდან ექსპორტზე 1,54 მილიარდი აშშ დოლარის ღირებულების საქონელი და მომსახურება გავიდა, ხოლო იმპორტმა 3,48 მილიარდი დოლარი შეადგინა.

შესაბამისად, იმპორტისა და ექსპორტის ჯამმა, ანუ სავაჭრო ბრუნვამ 5,02 მილიარდი დოლარი შეადგინა, რაც გასული წლის პირველი ხუთი თვის იმავე მონაცემს 18,2%-ით აღემატება.

ფოტო: საქსტატი

რაც შეეხება მაისის სტატისტიკას, ამ თვეში საქართველოდან 339,4 მილიონი დოლარის ექსპორტი გავიდა (წლიური ზრდა 44,9%), ხოლო იმპორტი 742,3 მილიონი დოლარი იყო (წლიური ზრდა 40,2%). ამასთან, აღსანიშნავია, რომ მიმდინარე წლის მაისში, 2019 წლის იმავე თვესთან შედარებით, ექსპორტის მოცულობა 0,4%-ით, ხოლო იმპორტის რაოდენობა 6,5%-ით არის შემცირებული.