ქართული ოცნების დეპუტატის, ირაკლი ზარქუას განცხადებით, ნაციონალური მოძრაობის წარმომადგენლები 7 თვის განმავლობაში "დარბოდნენ გარეთ" და მაინც მოუწიათ პარლამენტში შესვლა.

"კიდევ ერთხელ ზეპირად მივესალმები, ოღონდ რამე საქმიანი განცხადება ჰქონდეთ, მთელი ამ 7 თვის განმავლობაში დარბოდნენ გარეთ, ახლა ხომ მიხვდნენ, რომ ფუჭი იყო, ხომ მიხვდნენ რომ სულ ტყუილად? მაინც ხომ მოუწიათ აქ შემოსვლა, დაჯდომა და აქ სიმართლის მოსმენა, ასე გავაგრძელებთ მომავალშიც. თუ ვინმე ჭკვიანურს იტყვის მზად ვართ მოვუსმინოთ.

მიშელის დოკუმენტს ხელს არ ვაწერთო და კი მაგრამ, იმ მიშელის დოკუმენტის საფუძველზე არიან, ლეგიტიმაცია თითქოს რომ ჰგონიათ რომ მიიღეს და იმას რომ არ აწერენ ხელს, მაშინ რისთვის შემოვიდნენ? იქ წერია სარჩევნო, სასამართლო რეფორმაზე, როგორ ავირჩიო გენპროკურორი, საარჩევნო სისტემის ხელმძღვანელი, თუ ეს არ აინტერესებთ მაშინ ხელფასებზე შემოდიან? რაზე შემოდიან მაშინ? თანამდებონბებზე? ამათი არ გაიშვას დისკომფორტი, უპრინციპოები, ყოველგავრ არგუმენტმოკლებულები და შემოვიდნენ ახლა და დაჯდებიან, დაჯდნენ რა პრობლემაა? ყვირილი გარეთ უფრო ეფექტურად არ ჟღერდა? აქ ახლა დახვდებათ ყოველთვის არგუმენტირებული პასუხი, ვინც რაც არ უნდა თქვას უსამართლობას არ გავუტარებთ, კი ბატონო, იყვნენ კუთხეში", — თქვა მან.

ნაციონალური მოძრაობა პარლამენტში მივიდა. პარტიის წევრებმა დღეს, 8 ივნისს პარლამენტში მისვლა დააანონსეს, თუმცა მე-10 მოწვევის პარლამენტის საგაზაფხულო სესიის პლენარულ სხდომაზე არ გამოცხადებულან. ისინი საკანონმდებლო ორგანოში სხდომის შესვენების დროს მივიდნენ. ნაციონალური მოძრაობის წევრების პარლამენტში არყოფნის გამო, დღეს ამნისტიის კანონპროექტის მოსმენა გადაიდო.

ამასთან, 7 ივნისს პარლამენტში ერთიანი ნაციონალური მოძრაობა — გაერთიანებული ოპოზიცია ძალა ერთობაშიას ფრაქცია შეიქმნა, როლმელსაც ხატია დეკანოიძე უხელმძღვანელებს. ფრაქცია 32 წევრისგან შედგება.

30 მაისს პარტიამ საკანონმდებლო ორგანოში შესვლის გადაწყვეტილება მიიღო. მიუხედავად ამისა, ენმ შარლ მიშელის დოკუმენტს ხელს არ მოაწერს. გადაწყვეტილება პოლიტსაბჭოს შემდეგ გახდა ცნობილი. იმავე დღეს საქართველოში ევროკავშირისა და ამერიკის შეერთებული შტატების საელჩოებმა განცხადება გაავრცელეს, სადაც აღნიშნეს, რომ ნაციონალური მოძრაობის პარლამენტში შესვლის გადაწყვეტილებას მიესალმებიან, მაგრამ წუხან ევროპული საბჭოს პრეზიდენტის, შარლ მიშელის დოკუმენტზე ხელის არმოწერის გამო.