ლიეტუვის პრეზიდენტი, გიტანას ნაუსედა 10-12 ივნისს საქართველოს ეწვევა. ვიზიტის პირველივე დღეს პრეზიდენტი ბრიფინგს სოფელ პატარა ხურვალეთის შესასვლელთან გამართავს.

ეს გიტანას ნაუსედას პირველი ოფიციალური ვიზიტია საქართველოში. 2019 წელს მან პრეზიდენტ სალომე ზურაბიშვილს ლიეტუვაში უმასპინძლა.

როგორც ლიეტუვის პრეზიდენტის ადმინისტრაცია ინფორმაციას ავრცელებს, ვიზიტის მიზანია საქართველოს ევრო-ატლანტიკური კურსის, დემოკრატიის გაძლიერებისა და რეფორმების მხარდაჭერის დემონსტრირება.

ვიზიტის ფარგლებში გიტანას ნაუსედა საქართველოს პრეზიდენტს, პრემიერმინისტრს, პარლამენტის სპიკერსა და პატრიარქს შეხვდება. გარდა ამისა, იგი ადგილობრივ ლიეტუვურ თემთან და არასამთავრობო ორგანიზაციებთან გამართავს შეხვედრებს.

ლიეტუვის პირველი ლედი ანტანას ვილკუტაიტისის მონუმენტის გახსნასა და წიგნის პრეზენტაციას დაესწრება.