საგარეო საქმეთა მინისტრის, დავით ზალკალიანის განცხადებით, თუ ექსპრეზიდენტი, მიხეილ სააკაშვილი თვითმმართველობის არჩევნებში ჩაერევა, ისინი უკრაინასთან საკითხს განიხილავენ. ამის შესახებ მან ჟურნალისტებთან ისაუბრა.

"რა თქმა უნდა, გვექნება, ამას ჩვენ შესაბამისად განვიხილავთ ჩვენს უკრაინელ პარტნიორებთან ისე, რომ ჩვენი ურთიერთობები არ დაზარალდეს და კიდევ ერთხელ მოვუწოდებ ყველას, პატივი სცენ საქართველოს კანონმდებლობას და ჩვენს სახელმწიფოებრიობას", — განაცხადა ზალკალიანმა.

მისი თქმით, მათთვის მთავარია, რომ საქართველოს კანონმდებლობა არ დაირღვეს.

"იცით, რომ ჩვენი საარჩევნო კანონმდებლობისთვის მიუღებელია და არ ითვალისწინებს უცხო ქვეყნის მოქალაქის ჩარევას საარჩევნო პროცესებში. ეს იყო აშკარად დარღვევა ჩვენი კანონმდებლობის", — განაცხადა მან.

უკრაინასა და საქართველოს შორის ურთიერთობა მას შემდეგ დაიძახა, რაც 2020 წლის გაზაფხულზე პრეზიდენტმა ზელენსკიმ ექსპრეზიდენტი მიხეილ სააკაშვილი, რომელიც რამდენიმე საქმეზეა მსჯავრდებული, რეფორმების საბჭოს თავმჯდომარედ დაინიშნა. საქართველომ უკრაინიდან ელჩი კონსულტაციებისთვის გაიწვია და თითქმის ერთი წლის შემდეგ კიევში დააბრუნა.