"მე უკვე 4 თვეა პრემიერი აღარ ვარ" — ასე პასუხობს ექსპრემიერი გახარია ჟურნალისტის კითხვას, არის თუ არა დაგვიანებული ვაქცინაცია მისი პასუხისმგებლობა. მისი თქმით, გარკვეული პასუხისმგებლობა აქვს, თუმცა სრულად არ აიღებს.

"საერთოდ არ იყო შემოსული ვაქცინა [როცა გადავდექი]. რა თქმა უნდა, იყო გარკვეული შეთანხმებები და მოლაპარაკებები პირველი ნაკადის შემოტანაზე. ეს იყო ის, რაც მაშინ იყო შესაძლებელი და რაც გავაკეთეთ. მე, რა თქმა უნდა, ამაზე გარკვეული პასუხისმგებლობა მაქვს, ამ პროცესის დაწყებაზე, თუმცა სრულად პასუხისმგებლობას მაგ ნაწილზე ვერ ავიღებ", — განაცხადა გახარიამ.

საქართველოში კორონავირუსზე აცრის პროცესი მხოლოდ 15 მარტს, თანაც ნაჩუქარი ვაქცინით დაიწყო. ამ დროისთვის კი ქვეყანაში 4 ვაქცინაა შემოტანილი, თუმცა არასაკმარისი და სწორედ ამის გამო, ახალი დოზების მიღების შემთხვევაში, სისტემა იტვირთება და მოქალაქეების დიდი ნაწილი რეგისტრაციას კვლავ ვერ ახერხებს. ოფიციალური მონაცემებით, ამ დროისთვის საქართველოშ აცრილია მხოლოდ 138 914 ადამიანი.