საქართველოს უზენაეს სასამართლოში ტელეკომპანია რუსთავი 2-ის საქმის განმხილველი სხდომა 2 მარტს გაიმართება. ამის შესახებ ინფორმაცია სასამართლოს ვებგვერდზეა გამოქვეყნებული.

უზენაესი სასამართლოს დიდი პალატა, რომელიც ტელეკომპანიის საქმეს განიხილავს, შემდეგი მოსამართლეებით დაკომპლექტდა: ნინო გვენეტაძე, მზია თოდუა, ვასილ როინიშვილი, ეკატერინე გასიტაშვილი, პაატა ქათამაძე, ბესარიონ ალავიძე, მაია ვაჩაძე, ზურაბ ძლიერიშვილი და გიორგი შავლიაშვილი. მათგან გასიტაშვილი, ქათამაძე და ალავიძე, ის მოსამართლეები არიან, რომლებმაც საქმე პლენუმს გადასცეს.

"თებერვალს [ქიბარ] ხალვაშის მხარეს შეუტანია შუამდგომლობა გასიტაშვილის, ქათამაძისა და ალავიძის აცილებაზე," - წერს ტელეკომპანია რუსთავი 2-ის გენერალური დირექტორი ნიკა გვარამია ფეისბუკში.