ქართული ოცნების დეპუტატის, მამუკა მდინარაძის განცხადებით, ნაციონალური მოძრაობა პარლამენტში შესვლა-არშესვლაზე ისეთ გადაწყვეტილებას მიიღებს, სადაც იფიქრებენ, რომ "უკეთესი პიარი გამოუვათ".

"მათთვის ხომ პიარია მთავარი, რა ხდება სინამდვილეში არავის აინტერესებს. [...] აქედან გამომდინარე, ისინი ცდილობენ, მესიჯბოქსი როგორ დაალაგონ და სადაც იფიქრებენ, რომ უკეთესი პიარი გამოუვათ, იმ გადაწყვეტილებას მიიღებენ. ქვეყნისთვის რა იქნება უკეთესი, ამაზე დამერწმუნეთ და ბევრმა იცის, მათ შორის, უკვე მათმა მხარდამჭერებმა, ქვეყნისთვის რა იქნება უკეთესი, მათი შემოსვლა თუ არშემოსვლა, ამაზე კი არ არის ფიქრი, პიარულად როგორ გადალაგდებიან ერთ ან მეორე შემთხვევაში", — განაცხადა მდინარაძემ.

დეპუტატის თქმით, ნაციონალური მოძრაობა "ჩიხურ სიტუაციაშია", რადგან გამოსავალი არ არის და ნებისმიერ სიტუაციაში იფიქრებენ, რომ "დამარცხებულები არიან".

ცნობისთვის, ნაციონალურ მოძრაობას პარლამენტში შესვლის ან არშესვლის შესახებ გადაწყვეტილება ამ დრომდე არ მიუღია.