ტესტი: ცისფერი მთების რომელი პერსონაჟი ხარ?

ცისფერი მთები ანუ დაუჯერებელი ამბავი ელდარ შენგელაიას საკულტო ფილმია, რომელიც 1984 წელს გამოვიდა და საბჭოთა კავშირის ბიუროკრატიზმს ნიღაბი ახადა. საინტერესო შინაარსის გარდა ფილმმა გენიალური მუსიკით, სახალისო ფრაზებითა და გამორჩეული პერსონაჟებით დაგვამახსოვრა თავი.

შეავსე ეს ტესტი და გაიგე, ცისფერი მთების რომელი პერსონაჟი ხარ. პარალელურად შეგიძლია გია ყანჩელის უკვდავ მელოდიებსაც უსმინო.

პირველ რიგში გვითხარი, რამდენად პუნქტუალური ხარ?

რას აკეთებ სამსახურში ყველაზე ხშირად?

აირჩიე სპორტის სახეობა, რომელიც დიდად არ მოგწონს:

სად დადიან შენი თანამშრომლები ყველაზე ხშირად?

რაში გამოიყენებდი შაბიამნის ახალ პარტიას, რომელიც არ გჭირდება, მაგრამ მაინც მოაქვთ?

აირჩიე ფრაზა, რომელსაც ხშირად იყენებ:

დისტანციურად გირჩევნია მუშაობა თუ ოფისიდან?

და ბოლოს, გვითხარი, ახლა როგორ გრძნობ თავს?

ტესტი: ცისფერი მთების რომელი პერსონაჟი ხარ?

შენ ხარ: სოსო

შენ ის ახალი თანამშრომელი ხარ, რომელიც დიდი ენთუზიაზმით უდგება საქმეს, მუშაობს ზამთარ-ზაფხულ, უმეტესად დისტანციურად, მაგრამ კოლეგებს მაინც შვებულებაში ჰგონიხარ. არადა, მუდმივად ამოწმებ, როგორ მიდის სამსახურში საქმეები, ზარმაც თანამშრომლებს სთხოვ, დროულად შეასრულონ საკუთარი საქმე, თუმცა ყურადღებას არავინ გაქცევს. ერთი სიტყვით, შენს შრომისმოყვარეობაზე კიდევ ერთი ფილმის გადაღება შეიძლება.

შენ ხარ: ვასო

შენ ის ძველისძველი თანამშრომელი ხარ, რომელიც აგერ უკვე "27 წელია, აქ ზის" და არსად წასვლას აპირებს. უამრავი საქმე გაყრია თავზე — "გეგმით 18 სხდომა გაქვს ჩასატარებელი, გეგმავალდებულებით 21", მუდმივად ბრაზობ, რომ მარტივად შესასრულებელი დავალებების გამო სხვები თავს არ იწუხებენ, მაგრამ "ტყუილად იშლი ნერვებს, გინდა ზევით ადი, გინდა ქვევით ჩადი". რაც მთავარია, ყოველთვის სიმართლეს ამბობ და არაფრის არ გეშინია, შენ ხომ ომამდე ტანკისტი იყავი.

შენ ხარ: ვაჟა ზაზაევიჩი

თბილისელები

შენ ის თანამშრომელი ან სულაც უფროსი ხარ, რომელიც ოფისში სულ რამდენიმე წუთით შემოირბენს, დაიბარებს, რომ შეხვედრაზე მიდის, მაგრამ სინამდვილეში რას აკეთებს, წარმოდგენა არავის აქვს და არც ის იციან, საერთოდ დაბრუნდები თუ არა. შენ თავდაჯერებით გასცემ ბრძანებებს, ამბობ ისეთ ფრაზებს, როგორებიცაა "საშტატო განრიგი", "წლიური ბალანსი", "დეფიციტში გარღვევაა", "ოცი ტონა ქაღალდი დაგვაკლდა" და ა.შ. მაგრამ რეალურად საქმეს არ აკეთებ და უბრალოდ, დაკავებული ადამიანის იმიჯს წარმატებით ირგებ.

შენ ხარ: მარკშეიდერი

შენ ის მორიდებული და ზრდილობიანი თანამშრომელი ხარ, რომელმაც ზუსტად იცის, რა არის სამსახურში არსებული პრობლემების მიზეზი და რა უნდა გაკეთდეს მათ აღმოსაფხვრელად, მაგრამ რატომღაც არავინ უსმენს. მეტიც, ოფისში ისიც კი არ იციან, ვინ ხარ და რა გინდა იქ. ალბათ, რომელიმე თანამშრომელს რომ ჰკითხო, ვინააო, იტყვის, "ის კაცია, ჭერზე ბზარებს რომ ათვალიერებსო".

შენ ხარ: მღებავი

თბილისის ფორუმი

ის ერთადერთი და იშვიათი თანამშრომელი ხარ, რომელიც ყველაფრით ინტერესდება, ყველაფერს კითხულობს და ყველაფერი კარგად ესმის. სამწუხაროდ, ამას შენს უფროსებზე ვერ ვიტყვით. შენც კარგად ხვდები ამას, მაგრამ ამბობ, რომ "პატარა კაცი ხარ, რასაც ჩაგძახებენ, იმას ამოსძახებ, იმიტო კი არა, რომ ყველაფრის გჯერა ან შენი აზრი არ გაგაჩნია, უბრალოდ ცხოვრებამ ასე მოიტანაო."

შენ ხარ: ბუღალტერი თამარი

შენ ის თანამშრომელი ხარ, რომელიც მუდმივად ცუდად გრძნობს თავს და უხასიათოდაა. ალბათ ხშირად ითხოვ სიგარეტს და თან ამბობ, რომ თავი უნდა დაანებო. თავბრუსხვევას ხშირად წნევას აბრალებ, მაგრამ კარგი იქნება, თუ დააკვირდები, რომელი მხრიდან გაქანებს, რადგან შეიძლება ჰიპერტენზია არაფერ შუაშია და უბრალოდ ოფისი იყოს ჩამონგრევის პირას.

შენ ხარ: იროდიონი

შენ ის თანამშრომელი ხარ, რომელიც მთელი წლის განმავლობაში შვებულებას ელოდება, ყველას ამაზე ელაპარაკება, მაგრამ საქმე საქმეზე რომ მივა, შვებულებას ვერ იყენებს, სამსახურში რჩება, ბრაზობს და სხვებს აყვედრის. შენ ის ადამიანი ხარ, რომელსაც ბოლოს და ბოლოს უნდა გავაგებინოთ აქა ხარ თუ იქ.

შენ ხარ: გივი

შტატში ჩაგსვეს, კაბინეტიც კი მოგიწყვეს, მაგრამ კაცმა არ იცის, სად ხარ და რას აკეთებ. ხშირად გკითხულობენ, მაგრამ ვერასდროს გიკავშირდებიან, ფიქრობენ, რომ შვებულებაში ხარ, მაგრამ არავინ იცის, როდის დაბრუნდები. ერთი სიტყვით, ის უჩინარი თანამშრომელი ხარ, რომელიც, რატომღაც, თითქმის ყველა სამსახურშია გაფორმებული.

ასევე იხილეთ:

ბოლო ამბები:

გირჩევთ

ტესტი: ცისფერი მთების რომელი პერსონაჟი ხარ?

პირველ რიგში გვითხარი, რამდენად პუნქტუალური ხარ?

რას აკეთებ სამსახურში ყველაზე ხშირად?

აირჩიე სპორტის სახეობა, რომელიც დიდად არ მოგწონს:

სად დადიან შენი თანამშრომლები ყველაზე ხშირად?

რაში გამოიყენებდი შაბიამნის ახალ პარტიას, რომელიც არ გჭირდება, მაგრამ მაინც მოაქვთ?

აირჩიე ფრაზა, რომელსაც ხშირად იყენებ:

დისტანციურად გირჩევნია მუშაობა თუ ოფისიდან?

და ბოლოს, გვითხარი, ახლა როგორ გრძნობ თავს?

ასევე იხილეთ:

კომენტარები

კვირის ტოპ-5

გირჩევთ

ახლა კითხულობენ

შექმნეს დნმ-ზე დაფუძნებული კომპიუტერი, რომელიც ენერგიის მუდმივი წყაროს გარეშე მუშაობს