საქართველოს სახალხო დამცველის აპარატის ინფორმაციით, მათი წარმომადგენლები დღეს, 19 მაისს ისევ იმყოფებოდნენ ნინოწმინდის ბავშვთა პანსიონში, თუმცა მონიტორინგის საშუალება მათ კვლავ არ მიეცათ. როგორც ისინი ამბობენ, პანსიონის წარმომადგენლებმა მათთან საუბარი არ ისურვეს და მიზეზად ხელმძღვანელის მითითება დაასახელეს.

"სახალხო დამცველის აპარატისთვის განმეორებითი ხელშეშლის ფაქტი ნათლად აჩვენებს, რომ სახელმწიფომ არ შეასრულა გაეროს ბავშვის უფლებათა კომიტეტის მიერ დაკისრებული ვალდებულება და არღვევს ბავშვის უფლებათა დაცვის კუთხით მასზე დაკისრებულ ვალდებულებებს. ამასთან, უგულებელყოფს სახელმწიფო ზრუნვაში მყოფი 56 არასრულწლოვნის საუკეთესო ინტერესს, რადგან ფაქტობრივ ზედამხედველობას ვერ ახორციელებს მის მიერ ლიცენზირებულ დაწესებულებაზე", — აცხადებენ სახალხო დამცველის აპარატში.

მათივე ინფორმაციით, საკითხის გასაჯაროების შემდეგ სოციალურ მუშაკს, თითქმის ერთი წლის შემდეგ, პანსიონში ვიზიტის უფლება მისცეს. თუმცა, სახალხო დამცველის აპარატში აცხადებენ, რომ ეს ვერ ჩაითვლება გაეროს ბავშვის უფლებათა კომიტეტის დროებითი ღონისძიებების შესრულებად.

სახალხო დამცველის წარმომადგენლები იმყოფებოდნენ ნინოწმინდის მე-4 საჯარო სკოლაშიც, სადაც, როგორც ამბობენ, პანსიონიდან არცერთი ბავშვი არ გამოცხადებულა. სახალხო დამცველის წარმომადგენლები ვარაუდობენ, რომ ისინი წინასწარ გააფრთხილეს მათი ვიზიტის შესახებ.

"სკოლის დირექტორთან გასაუბრებით კიდევ ერთხელ დადასტურდა, რომ სკოლაში ბავშვები ზედამხედველების თანხლებით დადიან. ამასთან, ზედამხედველები საგაკვეთილო პროცესის მიმდინარეობისას სკოლის შენობაში იმყოფებიან და იქ ელოდებიან ბავშვებს. აღნიშნული პრაქტიკის თაობაზე, სკოლის ადმინისტრაციას ადგილზე მიეცა რეკომენდაცია, რადგან არღვევს ბავშვის საუკეთესო ინტერესს", — ვკითხულობთ სახალხო დამცველის აპარატის განცხადებაში.

სახალხო დამცველი თავადაც აპირებს მიმართოს გაეროს ბავშვის უფლებათა კომიტეტს და მიაწოდოს დეტალური ინფორმაცია პანსიონში მცხოვრები ბავშვების უფლებების დარღვევის შესახებ. ომბუდსმენი ითხოვს პანსიონში არსებული განგრძობით დარღვევებს მოჰყვეს პროპორციული რეაგირება, მათ შორის, გადაიხედოს დაწესებულების სააღმზრდელო საქმიანობის ლიცენზირების შეწყვეტის

გაიგე მეტი: