ამერიკელი კომიკოსი და მსახიობი სეთ როგანი ჰოვარდ სტერნს ესტუმრა და ძალიან გულწრფელი ინტერვიუ მისცა.

სხვადასხვა თემასთან ერთად მსახიობმა ისაუბრა იმაზე, თუ რატომ არ სურთ მას და მის ცოლს შვილის ყოლა. "აღარ მომეცემა საშუალება, ის საქმე ვაკეთო, რისი კეთებაც მიყვარს. ადრე ამაზე საუბარი ამ მსიამოვნებდა, მაგრამ ხალხი ყოველთვის მეკითხება, როგორ ასწრებ ამდენი საქმის კეთებას? პასუხი მარტივია — შვილები არ მყავს".

ფოტო: GETTY IMAGES

მსახიობმა თავის ცოლზე, ლორენ მილერიზე, 2011 წელს იქორწინა. როგორც როგანი ამბობს, ლორენს შვილის ყოლა მასზე მეტად არ სურს. "შემიძლია ვთქვა, რომ მას ბავშვები ჩემზე ნაკლებად უნდა. ჩემი მოთაფვლა ამ საკითხთან დაკავშირებით შეიძლება. მისი პასუხი კი უბრალოდ არის — არა", — ამბობს კომიკოსი.

"არ მგონია, რომ ხალხი შვილების ყოლით იმაზე უფრო ბედნიერები არიან, ვიდრე ჩვენ შვილების გარეშე. ჩვენ ძალიან კარგად ვატარებთ დროს, შაბათ დილით ლოგინში ვწევართ და მარიხუანას ვეწევით, ფილმებს შიშვლები ვუყურებთ. ბავშვები რომ გვყავდეს, ამას ვერ ვიზამდით", — განაგრძო როგანმა.

ფოტო: Tumblr

როგანის აზრით, სამყარო ისედაც სავსეა ადამიანებით და ზედმეტის დამატება საჭირო არ არის. გადაცემის წამყვანს, ჰოვარდ სტერნს სამი შვილი ჰყავს. "გეთანხმები, შვილების აღზრდა ძალიან რთულია, შენ ვეღარ იქნები ეგოისტი, საკუთარ თავზე წინ ყოველთვის შენი შვილები უნდა დააყენო", — თქვა სტერნმა.

2018 წელს, თავის პოდკასტში სეთ როგანი ამბობდა, რომ შვილის ყოლის პერსპექტივაზე ცოლთან ხშირად საუბრობდა. როგორც ჩანს, ეს დიალოგი წყვილმა დაასრულა და გადაწყვიტა, რომ ბავშვის ყოლა არ სურს.