იმუნიზაციის ექსპერტთა საბჭომ მხარი დაუჭირა ავტორიზაციის გარეშე Sinovac-ის გამოყენების საკითხის განხილვას მთავრობასთან. ამის შესახებ საბჭოს სხდომის შემდეგ ჯანდაცვის მინისტრის მოადგილემ, თამარ გაბუნიამ განაცხადა.

"საბჭომ იმსჯელა Sinovac-ით ვაქცინაციის პროგრამის გაფართოების შესაძლებლობაზე. როგორც მოგეხსენებათ, Sinovac-ის 100 000 დოზა ქვეყანამ მიიღო დონაციის სახით ჩინეთის მთავრობიდან. ჯერჯერობით Sinovac-ის გამოყენება არ ხდება, რადგან დათქმა, რა პირობითაც ქვეყანაში Sinovac შემოვიდა, იყო მოლოდინი ჯანმრთელობის ჯანდაცვის მსოფლიო ორგანიზაციის.

ჯერჯერობით, საბოლოო გადაწყვეტილება არ არის ჯანმრთელობის მსოფლიო ორგანიზაციისგან, თუმცა არის სტრატეგიული ექსპერტების ჯგუფის, ძალიან კარგი და დადებითი დასკვნა Sinovac-ის შედეგების შესახებ. ამ დასკვნის საფუძველზე, გამომდინარე იქედან, რომ საჭიროება მაღალია, იმუნიზაციის საბჭომ და ვაქცინაციის გაფართოებულმა საბჭომ, ორივემ, მხარი დაუჭირა მთავრობასთან ამ საკითხის განხილვას, Sinovac-ის შედარებით ადრეული გამოყენების შესახებ ვიდრე ჯანმრთელობის მსოფლიო ორგანიზაცია ავტორიზაცია დასრულდება და ვფიქრობთ, რომ ეს მოხდება თვის ბოლოსთვის", — განაცხადა თამარ გაბუნიამ.

იმუნიზაციის ექსპერტთა საბჭოს სხდომის დაწყებამდე, დაავადებათა კონტროლისა და საზოგადოებრივი ჯანდაცვის ერონვული ცენტირს ხელმძღვანელმა, ამირან გამყრელიძემ განაცხადა, რომ არ გამორიცხავს Sinovac-ით ვაქცინაციაც WHO-ს ატორიზაციამდე დაიწყოს.

საქართველოში Sinovac-ის 100 000 დოზა 30 აპრილს ჩამოვიდა. იგი ჩინეთის მთავრობის საჩუქარია.

აღსანიშნავია, რომ საქართველომ Sinopharm-ის გამოყენებაც 4 მაისს, WHO-ს ავტორიზაციის მიღებამდე დაიწყო. Sinopharm-მა ავტორიზაცია 7 მაისს მიიღო.

გაიგე მეტი: