ვენომის გულშემატკივრებისთვის მშვენიერი სიახლე გვაქვს: ფილმის მეორე ნაწილის პირველი ტრეილერი უკვე აქაა! Venom: Let There Be Carnage — ასე ჰქვია ვენომის სიქველს, რომლის ტრეილერიც მოლოდინით აღსავსეს დაგტოვებთ. ენდი სერკისის ფილმში ტომ ჰარდისა და ვუდი ჰარელსონის პერსონაჟებს კიდევ ერთხელ ვიხილავთ.

ახალი ფილმი მარველის სამყაროს პერსონაჟის, ვენომის მიხედვით შექმნილი ისტორიის მეორე ნაწილია, რომელზეც Sony Pictures Releasing-მა იმუშავა. ფილმში ტომ ჰარდისა და ვუდი ჰარელსონის გარდა, მიშელ უილიამსს, რიდ სკოტსა და ნაომი ჰარისსაც ვიხილავთ.

ახალი ფილმის პრემიერა აშშ-ში 24 სექტემბერს შედგება.