ჯანდაცვის სამინისტროს ცნობით, ქუთაისის ხანდაზმულთა პანსიონატის ბენეფიციარები და თანამშრომლები სინოფარმის ვაქცინით აიცრნენ.

"პანდემიისგან ყველაზე კარგი გამოსავალი იმუნიზაციის პროცესია. ხანდაზმულები რისკ ჯგუფს წარმოადგენენ და სწორედ ამიტომ ჯანდაცვის სამინისტრომ გადაწყვიტა, რომ აცრა ადგილზევე მოხდეს, რათა ეს პროცესი მათთვის უფრო კომფორტული იყოს", — განაცხადა ჯანდაცვის მინისტრის მოადგილე, თამარ ბარკალაიამ, რომელიც ვაქცინაციის პროცესს ადგილზე გაეცნო.

10 მაისის მონაცემებით, საქართველოში 62 447 აცრაა ჩატარებული. აცრისთვის ჯავშნის გასაკეთებლად ეწვიეთ booking.moh.gov.ge ან დარეკეთ ნომერზე 15 22.

ჯანმრთელობის მსოფლიო ორგანიზაცია, საზოგადოებრივი ჯანდაცვის უწყებები და კვალიფიციური ექიმები COVID-19-ის საწინააღმდეგო ვაქცინაციას რეკომენდაციას უწევენ.