თუ Lost თქვენს საყვარელ სერიალთა სიაშია, თვითმფრინავის ხსენებაზე, ალბათ, საკულტო სერიალის პერსონაჟები და მათი დაუვიწყარი თავგადასავალი ხშირად გახსენდებათ. თუ თვითმფრინავთან პერსონაჟების არასახარბიელო გამოცდილებას გავითვალისწინებთ, სულაც არაა გასაკვირი, რომ თვითმფრინავში მშვიდად მსხდარი მგზავრები მსახიობების დანახვაზე ცოტათი მაინც ღელავენ.

მსგავსი გამოცდილება მსახიობმა დენიელ დაი კიმმა ტელეწამყვან ჯიმი კიმელთან სტუმრობის დროს გაიხსენა. დენიელი სერიალში ჯინის როლს ასრულებს. მსახიობის თქმით, რამდენჯერმე შეუმჩნევია, როგორ ანერვიულებს მგზავრებს თვითმფრინავში მისი გამოჩენა.

"მახსოვს, რომ ჰავაიდან ლოს-ანჯელესში პრესკონფერენციაზე მივდიოდით, ყველანი [Lost-ის მსახიობები] თვითმფრინავში ავდიოდით. მაშინ არ ვიცოდით, რამდენად წარმატებული იყო სერიალი. ხალხი ჯერ ჩვენ შემოგვხედავდა, შემდეგ კი დაბლა განერვიულებული იყურებოდა. რადგანაც ჩვენ თვითმფრინავში ვიყავით, ისინი საფრთხეში იყვნენ", — ამბობს დენიელ დაი კიმი.

გადაცემაში დენიელმა აშშ-ში აზიელთა სიძულვილის შესაჩერებლად მის მიერ შექმნილ საქველმოქმედო ფონდზე ისაუბრა, რომელიც ძალადობის პრევენციისა და აღნიშნული საკითხის ირგვლივ საზოგადოების ცნობიერების ამაღლებას ისახავს მიზნად.